მატჩი-აქციის ორგანიზატორი დეველოპერული კომპანია Royal Group იყო. თანაორგანიზატორი - საქართველოს კალათბურთის სამოყვარულო ლიგა, ხოლო აქციის მხარდამჭერები სპორტისა და ახალგაზრდობის საქმეთა სამინისტრო, კალათბურთის ეროვნული ფედერაცია, მაღაზია GURU და კომპანია PSM.
მატჩი-აქციის ფარგლებში ერთმანეთს დაუპირისპირდნენ სპორტული ჟურნალისტები, რომლებიც პირობითად ორ გუნდში იყვნენ განაწილებულნი: ტელე და ბეჭდური მედიის. ოთხი 12-წუთიანი ტაიმის შემდეგ პრესის ნაკრებმა ტელეჟურნალისტთა გუნდი დაძაბულ ბრძოლაში 52:49 დაამარცხა.
თამაშის ორგანიზატორებმა საუკეთესო კალათბურთელებიც გამოავლინეს: სპორტისა და ახალგაზრდობის საქმეთა მინისტრის მოადგილე აკაკი ლოდიამ სპეციალური პრიზი გადასცა დავით ფრანგიშვილს (ტელემედია), პრესმედიიდან კი ალექსანდრე ბაგრატიონ-დავითაშვილს.
No images found.